И.Метшин: «Без бергәләп БМО-Хабитатны шәһәрләр һәм төбәкләргә якынрак итә алабыз»
Бүген Казан Мэры Илсур Метшин Берләшкән Милләтләр Оешмасы каршындагы җирле хакимият органнарының Консультатив комитеты (UNACLA) президенты сыйфатында беренче утырышны уздырды. Ул алдагы елга комитет эшчәнлегенең өстенлекле юнәлешләрен билгеләде. Очрашу «Шәһәрләр – мөмкинлекләр территориясе: мәдәният һәм инновацияләрнең үзара бәйләнеше» X Бөтендөнья шәһәрләр форумы кысаларында Абу-Дабида (Берләшкән Гарәп Әмирлеге) узды.
«Без UNACLA ролен һәм әһәмиятен бөтенләй яңа дәрәҗәгә күтәрә алабыз»Утырышта комитет әгъзалары һәм БМОның торак пунктлар буенча программасы башкарма директоры (БМО-Хабитат) Мәймүнә Мохд Шәриф UNACLA президенты сыйфатында Илсур Метшин кандидатурасын расладылар. Элегрәк ул бу вазифага «Берләшкән шәһәрләр һәм җирле хакимият» Бөтендөнья оешмасының VI конгрессында сайланган иде.
«UNACLA Сезнең җитәкчелегегез астында яңа фазага керер дип ышанам, һәм сезнең рәислек астында узган бу беренче утырыш комитет әгъзаларына көн тәртибен билгеләргә һәм 2020 елга приоритетлар турында фикер алышырга мөмкинлек бирәчәк», – диде «Берләшкән шәһәрләр һәм җирле хакимият»нең сопрезиденты, Утрехта (Нидерланд) мэры Ян ван Занен.
«Мин бу җаваплылыкны зур энтузиазм белән үз өстемә алам һәм алдагы елларда без UNACLA ролен һәм әһәмиятен аның әгъзалары, БМО-Хабитат, Берләшкән шәһәрләр һәм Җирле хакимият һәм БМО өчен бөтенләй яңа дәрәҗәгә күтәрербез дип ышанам», – дип белдерде И.Метшин, комитет рәисе сыйфатында беренче утырышны ачып. Ул очрашуда катнашучыларны оешманың 20 еллык юбилее, шулай ук БМОның 75 еллык юбилее белән котлады.
«Сезнең белән бергә БМО-Хабитатка җирле һәм төбәк хакимиятләре фикерләрен җиткерүдә катнашу, тотрыклы үсешкә ирешүдә муниципалитетларның мөһим роле турында хәбәрдарлыкны арттыру һәм локаль дәрәҗәләрдә глобаль проблемаларны гамәлгә ашыруга өлеш кертү - минем өчен зур дәрәҗә. Мин шулай ук Берләшкән Милләтләр оешмасы-Хабитатны үзебез тәкъдим иткән шәһәрләр һәм регионнарга якынрак итә алырбыз, дип өметләнәм», – диде И.Метшин. Ул билгеләп үткәнчә, бүген БМО-Хабитат, Берләшкән шәһәрләр һәм җирле хакимият һәм UNACLA җирле үсеш аспектын көн тәртибенә кертергә һәм милли һәм җирле хакимият органнары арасында диалогны көчәйтергә тиеш.
UNACLA - җирле һәм төбәк хакимиятләре арасында конструктив диалог мәйданчыгыИлсур Метшин комитет әгъзаларына UNACLA эшчәнлеге буенча якындагы елга үз күзаллауларын тәкъдим итте һәм өстенлекле юнәлешләрне билгеләде. Аерым алганда, берләшмәнең яңа президенты планнарында - дөньяның төрле төбәкләрен тәкъдим итә торган челтәрләрнең сәяси ролен, БМО-Хабитат каршындагы консультатив рольне көчәйтү, үзәк хөкүмәтләр белән диалогны киңәйтү һәм шәһәр үсешенең яңа стратегик көн тәртибен билгеләү һәм аны гамәлгә ашыру.
И.Метшин ассызыклаганча, быел беренче бурыч төбәк дөнья челтәрләренең (Берләшкән шәһәрләр һәм җирле хакимият органнары, тотрыклылыгы өчен җирле хакимият органнары, Франк телле илләрнең халыкара ассоциациясе, Һиндстан җирле үзидарә институты һ.б.) UNACLA эшчәнлегенә җәлеп итү дәрәҗәсен күтәрүдән гыйбарәт. «Хәзер консультацияләр механизмы көн тәртибендәге күп кенә мәсьәләләр буенча нәтиҗәле санала», – дип билгеләп үтте ул һәм комитетта катнашучыларны төрле берләшмәләр белән тагын да тыгызрак элемтәләр урнаштырырга чакырды.
«Безнең өчен төп бурычларның берсе - җирле һәм милли хөкүмәтләр арасында диалогка, милли һәм халыкара дәрәҗәдә җирле хакимият органнарының ролен ныгытуга бәйле мәсьәләләр буенча яклар арасында системалы фикер алышуга ярдәм итү»
Илсур Метшин
Казан Мэры, UNACLA президенты
И.Метшин искә төшергәнчә, БМО резолюциясендә UNACLA «шәһәр үсешенең яңа көн тәртибен гамәлгә ашыруда бөтен дөньядан җирле хакимиятләр белән диалогны ныгытырга тиешле консультатив орган» буларак карала. Бу җәһәттән UNACLA җирле һәм региональ хакимият органнары арасында конструктив диалог алып барыла торган урын буларак каралырга тиеш. Моның өчен ул 2020 елда БМО-Хабитатның башкарма директоры белән ике яклы очрашуларны активлаштырырга һәм UNACLA әгъзалары белән мәсьәлә турында җентекләп фикер алышырга тәкъдим итте.
«Безнең өчен төп бурычларның берсе – җирле һәм милли хөкүмәтләр арасында диалогка, милли һәм халыкара дәрәҗәдә җирле хакимият органнарының ролен ныгытуга бәйле мәсьәләләр буенча яклар арасында системалы фикер алышуга ярдәм итү», – дип белдерде комитет рәисе. Шул ук вакытта UNACLAга БМО-Хабитат Ассамблеяләрен әзерләүдә активрак роль уйнау мөһим, бу нәтиҗәле дәүләт идарәсе үсешенә ярдәм итәчәк һәм җирле хакимият органнарына хәерчелеккә каршы көрәштә һәркем өчен тигез мөмкинлекләр бирүгә үз өлешен кертергә ярдәм итәчәк. «Россиядә без мондый диалогны уңышлы җайга салабыз», - диде И.Метшин.
«Җирле үзидарәне яклау - UNACLAның мөһим казанышы»Консультатив комитет президенты ассызыклаганча, 2020 ел – UNACLA әгъзалары өчен яңа чорга сәяси һәм оператив көн тәртибен билгеләү, элегрәк Китода (Эквадор) кабул ителгән шәһәр үсеше көн тәртибен гамәлгә ашыруны дәвам итү һәм әлеге көн тәртибен тормышка ашыруның Тотрыклы үсеш һәм локализация максатларына ирешү белән тыгыз бәйләнешенә игътибарга тагын бер кат басым ясау мөмкинлеге. «Бүген шәһәрләрдә дөнья халкының 70%-ы яши, шуңа күрә көн тәртибен локальләштерү җирле хакимият органнарына бәйле. Ахыр чиктә, бу Тотрыклы үсеш максатларына һәм Климат буенча Париж килешүенә ирешергә мөмкинлек бирәчәк», - диде И.Метшин.
«Җирле үзидарәне яклау – UNACLAның мөһим казанышы, – дип ассызыклады очрашу рәисе. - Урыннарда автономияне децентрализацияләү һәм саклап калу бөтен дөньяда җирле хакимият органнары өчен төп проблема булып кала бирә, шул ук вакытта күп кенә илләрдә үзәкләшү тенденциясе күзәтелә. 2020 елда UNACLA көн тәртибенә децентрализация мәсьәләләрен кире кайтарырга мөмкин».
«Мин Сезгә ышанычыгыз өчен рәхмәт белдерәм. Ышанам ки, бу бик нәтиҗәле мөнәсәбәтләрнең башы. Сезгә керткән өлешегез өчен рәхмәт белдерәм һәм алдагы айларда уртак эшебезне дәвам итәрбез дип өметләнәм», - дип нәтиҗә ясады Илсур Метшин һәм очрашуда катнашучыларның өстенлекле юнәлешләргә кагылышлы тәкъдимнәрен тыңлады.
Моннан тыш, утырышта UNACLAның 2015-2019 еллардагы эшчәнлеге турында фикер алыштылар. Эш нәтиҗәләре турында докладны БМО-Хабитат вәкиле Диана Лопес укыды.
X Бөтендөнья шәһәрләр форумы (WUF) Абу-Дабиның Милли күргәзмә үзәгендә уза, ул 18 меңнән артык катнашучыны, шул исәптән дөньяның 168 иленнән төрле шәһәр һәм муниципалитетларның 500-гә якын мэрын үзендә туплады. Форум 2002 елда БМО-Хабитат тарафыннан хәзерге заманның иң кискен дөньякүләм проблемаларын карау өчен гамәлгә куелган: үсештәге урбанизация һәм аның җәмгыятькә, шәһәрләргә, икътисадка йогынтысы. Чара ике елга бер тапкыр үткәрелә. Форумның киң вәкиллеге, югары дәрәҗәдәге катнашучылар белән беррәттән, әлеге чараны шәһәр үсеше мәсьәләләре буенча фикер алышу өчен төп халыкара мәйданчык итә.