Рөстәм Миңнеханов Цифрлаштыру елы йомгаклары буенча утырышта: Зур эшләр көтелә - бу хезмәтләрне цифрлаштыру да, «Имин шәһәр» проекты да, башка бурычлар да
Цифрлаштыру елы кысаларында Татарстанда ИТ-парк өлкәсендә иң эре объектларның берсе - Казанда төзелгән Бәшир Рәмиев исемендәге барлыкка килде. Бу тармакка бик күп ресурслар җибәрелүен күрсәтә. «Без бик күп ресурслар, вакыт сарыф иттек, һәм бушка түгел!» диде бүген Татарстан Республикасы Президенты Рөстәм Миңнеханов Татарстан Республикасы Хөкүмәте утырышында.
Утырыш яңа мәйданчыкта - Бәшир Рәмиев исемендәге ИТ-паркта узды һәм Цифрлаштыру елы йомгакларына һәм 2023 елга цифрлаштыру бурычларына багышланды.
Рөстәм Миңнеханов ил җитәкчелегенә, Россия Федерациясе Хөкүмәтенә ИТ-өлкәгә ярдәм итүләре өчен рәхмәт белдерде. ИТгә федераль дәрәҗәдә ярдәм итүгә зур игътибар бирелә, диде ул, шулай ук тулаем цифрлаштыруга һәм ИТ-белгечләргә ярдәм итүгә зур игътибар бирелә.
Рөстәм Миңнеханов ИТ юнәлешен муниципаль дәрәҗәдә үстерү мәсьәләсенә игътибарны юнәлтте. Аның сүзләренчә, муниципалитетларның цфрлаштыру һәм хезмәт күрсәтүләрне ләрне электрон рәвешкә күчерү тәҗрибәсен үзләштерүе мөһим. «Әгәр дә без тулы чылбырны тезмәсәк, система нәтиҗәле эшләмәячәк», - диде ул.
Иннополис проектының алга таба үсешенә килгәндә, ул федераль әһәмияткә ия, дип ассызыклады Рөстәм Миңнеханов. Ул шулай ук Россия Хөкүмәтенә бу юнәлешне хуплавы өчен рәхмәт белдерде. «Безнең эшне киңәйтү мөмкинлеге барлыкка килә, - диде Рөстәм Миңнеханов. - Бу - Иннополис университеты да, технопарклар да, шәхси инвесторлар эше дә. Механизм эшли башлады һәм хәзер аны саклау мөһим».
Рөстәм Миңнеханов искәрткәнчә, бүген ул Казан федераль университетында булган. Югары уку йортында шулай ук күп эшләнмәләр бар, шул исәптән ИТ өлкәсендә дә. «Боларның барысын да системалаштырырга кирәк, иң мөһиме – эшнең реаль нәтиҗәләре булырга тиеш» , - диде ул, шул ук вакытта импортны алыштыру процессына югар ыуку йортларын җәлеп итәргә кирәклеген ассызыклап.
«Алда зур эш тора, - диде Рөстәм Миңнеханов. - Бу хезмәт күрсәтүләрләрне цифрлаштыру да, башка бурычлар да. Иң мөһиме - «Имин шәһәр» проекты. Ул республикада вәзгыятьнең күп санлы видеокамералар, хокук бозуларны кисәтергә мөмкинлек бирүче башка платформалар урнаштыру нәтиҗәсендә куркынычсыз булуын искәртте. Проектны алга таба да үстерергә кирәк, дип саный Рөстәм Миңнеханов.
Татарстан Президенты искәрткәнчә, республикада Цифрлы үсешкә ярдәм итү ассоциациясе уңышлы эшли. Аерым алганда, ел саен уздырыла торган Kazan Digital Week форумы – федераль дәрәҗәдә хуплана торган кирәкле проект. Ул бу форумны әзерләүдә һәм үткәрүдә катнашучыларга рәхмәт белдерде.
Аннары Рөстәм Миңнеханов ИТ, элемтә һәм цифрлы үсеш тармагы хезмәткәрләренә Татарстан Республикасы дәүләт бүләкләре тапшырды.