ЯҢАЛЫКЛАР


18
март, 2019 ел
дүшәмбе

Бүген Татарстан Республикасы Президенты Рөстәм Миңнеханов «Бердәм Россия» бөтенроссия сәяси партиясенең Югары советы Бюросы утырышында катнашты.


24
гыйнвар, 2019 ел
пәнҗешәмбе

Россия Федерациясе Хөкүмәте рәисенең социаль сәясәт мәсьәләләре буенча урынбасары Татьяна Голикова, Татарстан Президенты Рөстәм Миңнеханов һәм WorldSkills International башлыгы Саймон Бартли бүген Казанда Бауман урамында WorldSkills-2019 эшче һөнәрләре буенча 45 нче дөнья чемпионатына кадәр вакытны кирегә таба саный торган стелланы ачтылар.


22
гыйнвар, 2019 ел
сишәмбе

Татарстан Республикасы Президенты Рөстәм Миңнеханов Давоста (Швейцария) Бөтендөнья икътисадый форумы кысаларындагы чараларада катнашты.

Бу Форумның төп темасы «Глобальләшү 4.0: Дүртенче сәнәгать инкыйлабы чорында глобаль архитектура формалаштыру».


30
декабрь, 2018 ел
якшәмбе

Татарстан Республикасы Президенты Рөстәм Миңнеханов Берләшкән Гарәп Әмирлекләренә эш сәфәре кысаларында Emaar Properties компаниясе рәисе Мөхәммәд Али Рашәд Әл-Әббар әфәнде белән очрашты. 

Emaar Properties сәүдә үзәкләре, халыкара класстагы кунакханәләр, моллар, офис үзәкләре, торак объектлары төзү белән шөгыльләнә.


4
сентябрь, 2018 ел
сишәмбе

Бүген Татарстан Республикасы Президенты Рөстәм Миңнеханов Казанда («Казан ярминкәсе» КҮ) Татарстан нефть-газ форумы-2018 ачу тантанасында катнаша. Искәртәбез, форум Татарстан нефть ятмаларын сәнәгати эшкәртү башлануга 75 ел тулуга багышлана.

Форум – Россия нефть-газ тармагының иң эре халыкара чараларыннан берсе. 4-6 сентябрьдә узачак форумда катнашыр өчен Германиядән, Австриядән, Нидерландтан, Беларусь Республикасыннан, Әзәрбәйҗаннан, Казахстаннан һәм Россия төбәкләреннән 160лап предприятие заявка биргән.

Катнашучыларны һәм кунакларны тармак конференцияләре, семинарлар, түгәрәк өстәлләр, тәкъдир итүләр һәм киңәшмәләр, шулай ук эшлекле сөйләшүләр уздыру һәм килешүләр имзалау мөмкинлеге көтә.


3
сентябрь, 2018 ел
дүшәмбе

Бүген Татарстан Республикасы Президенты Рөстәм Миңнеханов Кыргызстанга эш сәфәре кысаларында җирле татар җәмәгатьчелеге белән очрашты. 

Очрашуда Татарстан Республикасы Премьер-министры урынбасары, «Милли Шура» рәисе Васил Шәйхеразыев, Татарстан Республикасы спорт министрының беренче урынбасары Хәлил Шәйхетдинов һәм башкалар катнашты. 


2
сентябрь, 2018 ел
якшәмбе

Бүген Татарстан Республикасы Президенты Рөстәм Миңнеханов Кыргызстанда эш сәфәрендә. III Бөтендөнья күчмә халыклары уеннарын ачу тантанасы кысаларында Рөстәм Миңнеханов Кыргызстан Президенты Сооронбай Жәенбәков һәм Кыргызстан Премьер-министры Мөхәммәт Абылгазиев белән очрашты 


28
август, 2018 ел
сишәмбе

Бүген Иннополиста Татарстан Республикасы Президенты Рөстәм Миңнеханов һәм «Яндекс» компаниясенең Россиядәге генераль директоры Елена Бунина республикада пилотсыз транспорт үстерү турында килешү имзаладылар. Документ ИТ-шәһәрдә автомобиль йөрү өчен сынау зонасы булдыруны күз алдында тота. Иннополис – Европада көндәлек транспортта йөрүләр өчен файдаланылучы беренче шәһәр. 


25
август, 2018 ел
шимбә

Бүген Казанда Казансу акваториясе өстендә  Red Bull Air Race авиаузышлары буенча дөнья чемпионатының чираттагы этабы башланып китте. Төп күзәтү урыны «Казан» гаилә үзәге булды.

Ярышларны Татарстан Республикасы Президенты Рөстәм Миңнеханов, Федераль һава транспорты агентлыгы җитәкчесе Александр Нерадько, Red Bull Air Race генераль директоры Эгенрик Вольф, Татарстан Республикасы спорт министры Владимир Леонов карадылар.


24
август, 2018 ел
җомга

Бүген кич Татарстан Республикасы Президенты Рөстәм Миңнеханов Төркия Республикасы Тышкы эшләр министры Мәүлет Чавушоглу белән очрашты.   

Очрашу Казан Кремлендә узды.

Искәртәбез, Мәүлет Чавушоглу Татарстан Республикасына ике көнлек (2018 елның 24-25 августы) эш сәфәренә килде.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International