Рөстәм Миңнеханов Давоста Бөтендөнья икътисадый форумы кысаларындагы чараларада катнашты
Татарстан Республикасы Президенты Рөстәм Миңнеханов Давоста (Швейцария) Бөтендөнья икътисадый форумы кысаларындагы чараларада катнашты.
Бу Форумның төп темасы «Глобальләшү 4.0: Дүртенче сәнәгать инкыйлабы чорында глобаль архитектура формалаштыру».
Форум кысаларында Рөстәм Миңнеханов Казахстан Республикасы Премьер-министры урынбасары Ерболат Досаев белән очрашты. Яклар хезмәттәшлек һәм ике яклы сәүдә-икътисадый багланышларны үстерү перспективалары турында фикер алыштылар.
Аннары Рөстәм Миңнеханов берничә стратегик сессиядә катнашты. «Энергетиканың киләчәге» сессиясендә катнашучылар альтернатив энергия чыганакларын үстерү темасын карадылар.
Цифрлы икътисад мәсьәләләренә багышланган мәйданчыкта ИТ өлкәдәге әйдәүче компанияләр вәкилләре технологияләрдәге үзгәрешләрнең социаль тармакка һәм сәясәткә йогынтысы турында фикер алыштылар.
Тагын Татарстан Президенты дүртенче сәнәгать инкыйлабы чорында глобальләшү формалашу мәсьәләләренә багышланган сессиядә катнашты.
Искәртәбез, Рөстәм Миңнеханов Россия делегациясе составына кертелгән, делегацияне Россия Икътисадый үсеш министры Максим Орешкин җитәкли.
Быел Давостагы Бөтендөнья икътисадый форумына дистәләрчә илләр лидерлары һәм эре бизнес вәкилләре җыелачак – барлыгы 110 илдән 3 мең катнашучы.