ЯҢАЛЫКЛАР
Бүген Дубайда VIII Eллык инвестицион форум эше кысаларында Татарстан Республикасы Президенты Рөстәм Миңнеханов БГӘ икътисад министры Солтан бән Сәид әл Мансури белән очрашты.
Рөстәм Миңнеханов сәламләү сүзендә Солтан бән Сәид әл Мансурига форумда Татарстан Республикасы стендын урнаштыру һәм катнаша алу мөмкинлеге өчен рәхмәт белдерде. "Дубайда очрашу темалары безгә бик кызыклы", - диде ул. "Без икътисадның тотрыклы үсешенә һәм чит ил инвестицияләрен җәлеп итүгә аеруча игътибар итәбез. Безнең ел саен форумда катнашуыбыз әмирлекләр һәм башка партнерлар белән хезмәттәшлекне киңәйтергә ярдәм итә. Форум безгә күргәзмәләр оештыру өлкәмендә дә бай тәҗрибә бирә, шул исәптән "Казан-ЭКСПО" проектын гамәлгә ашыруда да. Татарстан әмирлекләр бизнесы белән актив хезмәттәшлек итә - төзелеш, суднолар төзү, авыл хуҗалыгы, туризм, ислам финансларын үстерү һәм хәләл индустрия өлкәләрнедә".
Бүген Дубайда (БГӘ) VIII Eллык инвестицион форумы ачылды. Татарстан Республикасы Президенты Рөстәм Миңнеханов «Бөтендөнья лидерлары дебатлары: турыдан-туры чит илләр инвестицияләре юлы белән тотрыклы үсеш тәэмин итү» пленар утырышында чыгыш ясады һәм Форумны ачу тантанасында катнашты.
Бүген Дубайда VIII Еллык инвестицион форум ачылыр алдыннан Татарстан Республикасы Президенты Рөстәм Миңнеханов Alliance Business Centers компаниясе президенты Шәриф Камәл һәм Alliance Network кысаларында мультимилли компания җитәкчелеге белән очрашты. Компания - тулысынча җиһазландырылган офислар, виртуаль офислар һәм конференц-заллар операторы. Шул исәптән 2016 елда ABCN челтәренең Казандагы филилалы да Татарстан Республикасында - беренче премиум сыйфатындагы бизнес-үзәк.
Очрашуда компаниянең Казандагы филиалы эшчәнлеге турында сөйләшенде. Рөстәм Миңнеханов билгеләгәнчә, үзәк кече һәм урта бизнес вәкилләренә уңай шартлар булдыра. Бүген биредә 10 резидент эшли, үзәктә буш урын юк.
Шәриф Камәл рәәхмәтен белдерде, компания республика җитәкчелеге ярдәме белән үзәкне тиз арада резидентлар белән тәэмин итте. Бу тагын бер кат Татарстан Республикасының Россиянең алдынгы икътисадый төбәге булуын һәм инвестицияләргә ачык икәнен раслады.
Alliance Business Centers компаниясе президенты сүзләренчә, алар Татарстанда эшләр барышы белән бик канәгать һәм быел икенче фоис ачарга ниятлиләр. Хәзерге вакытта яңа офиска урын туба мәсьәләсе хәл ителә.
Бүген Татарстан Республикасы Президенты Рөстәм Миңнеханов Дубайдагы VIII Еллык инвестицион форумда катнашу өчен Берләшкән Гарәп Әмирлекләренә килде.
Эш сәфәре кысаларында Рөстәм Миңнеханов VIII Еллык инвестицион форумын ачу тантанасында катнашырга һәм «Бөтендөнья лидерлары дебатлары: турыдан-туры чит илләр инвестицияләре юлы белән тотрыклы үсеш тәэмин итү» пленар утырышында чыгыш ясарга ниятли. Форум киңлекләрендә Татарстан Республикасы Президентының БГӘ Икътисад министры Солтан Әл-Мансури белән, «Мубадала» компаниясе һәм «Таваззун» холдингы җитәкчелеге белән, шулай ук БГӘ хакимият һәм бизнес вәкилләре белән очрашырга җыена.
Бәһрәйн Премьер-министры белән очрашудан соң Татарстан Республикасы Президенты Хәмәд бән Ибраһим Әл Хәлифә һәм Бәһрәйн эшлекле даирәләре вәкилләре белән эшлекле ашта катнашты. Бәһрәйн бизнесы вәкилләре Рөстәм Миңнехановтан төбәк икътисады һәм инвестицияләр өчен мөмкинлекләре, республика тарихы һәм мәдәнияты турында сораштылар.
Бүген Бәһрәйн Мәмләкәтенә эш сәфәре кысаларында Татарстан Республикасы Президенты Рөстәм Миңнеханов Бәһрәйн Мәмләкәтенең Икътисадый үсеш советы рәисе Хәлид Әл Румәйхи һәм Бәһрәйн Мәмләкәтенең «Мумталакат» Инвестицион фондының төп башкарма директоры Мәхмүд Әл Кухеҗи белән очрашты. Очрашуда шулай ук Мәликнең туганнан туганы Шәех Хәмәд бән Ибраһим Әл Хәлифә һәм РФнең Бәһрәйн Мәмәләкәтендәге Гадәттән тыш һәм Тулы вәкаләтле Илчесе Вагиф Гәрәев катнашты.
Бүген Бәһрәйн Мәмләкәтенә эш сәфәре кысаларында Татарстан Республикасы Президенты Рөстәм Миңнеханов Бәһрәйн Премьер-министры Хәлифә бән Сәлмән Әл Хәлифә, идарә итүче Мәликнең агасы Хәмәд бән Гайсә Әл Хәлифә белән очрашты.
Очрашу башлануга ук Татарстан Республикасы Президенты Бәһрәйн Премьер-министрына кунакчыллыклары өчен рәхмәт белдерде һәм соңгы тапкыр 2017 елның февралендә Россия – Бәһрәйн Хөкүмәтара комиссиясе кысаларында Манамада очрашуларын искә төшерде.
Бүген Бәһрәйн Мәмләкәтенә эш сәфәре кысаларында Татарстан Республикасы Президенты Рөстәм Миңнеханов Бәһрәйн ислам банкының башкарма директоры Хәсән Әмин Җәррар белән очрашты.
Бәһрәйн ислам банкы – Мәмләкәттәге беренче ислам банкы һәм Бәһрәйн Үзәк банкы күзәтчелегендә эшли, Бәһрәйн фонды биржасында теркәлгән.
Бүген Татарстан Республикасы Президенты Рөстәм Миңнеханов Бәһрәйн Корольлегенә эш визиты белән килде. Манама халыкара аэропортында аны Бәһрәйн Короленең туганы Шәех Хамад бән Ибраһим Әл Хәлифә, РФнең Бәһрәйн Корольлегендә Гадәттән тыш һәм Тулы вәкаләтле Илчесе Вагыйф Гәрәев һәм башка рәсми затлар каршы алды.
Корольлек хакимияте ихтирам йөзеннән кыска очрашу чарасы оештырды. Аннан Бәһрәйн хакимияте вәкилләре белән сөйләшү булды.
Бүген Татарстан Республикасы Президенты Рөстәм Миңнеханов Мәскәүгә эш сәфәре кысаларында берничә ике яклы очрашу уздырды.
Аерым алганда, Рөстәм Миңнеханов Россия Федерациясе Сәнәгать һәм сәүдә министры Денис Мантуров белән очрашты.
Яклар берничә уртак профильле программаны гамәлгә ашыру мәсьәләләре турында, шулай ук 2018 елда Татарстан Республикасы белән Россия Федерациясе Сәнәгать һәм сәүдә министрлыгы арасындагы хезмәттәшлек юнәлешләре буенча фикер алыштылар.