Татарстан Республикасы Президенты Рөстәм Миңнеханов Бәһрәйн Корольлегенә килде

Бүген Татарстан Республикасы Президенты Рөстәм Миңнеханов Бәһрәйн Корольлегенә эш визиты белән килде. Манама халыкара аэропортында аны Бәһрәйн Короленең туганы Шәех Хамад бән Ибраһим Әл Хәлифә, РФнең Бәһрәйн Корольлегендә Гадәттән тыш һәм Тулы вәкаләтле Илчесе Вагыйф Гәрәев һәм башка рәсми затлар каршы алды. 

Корольлек хакимияте ихтирам йөзеннән кыска очрашу чарасы оештырды. Аннан Бәһрәйн хакимияте вәкилләре белән сөйләшү булды.

Иртәгә Татарстан Президенты Бәһрәйн Премьер-министры Халифә бән Сәлман Әл-Хәлифә һәм башка рәсми затлар белән очрашачак. Иске шәһәрдәге Мөхәррәк тарихи районы буенча экскурсия планлаштырыла. Кич Король чакыруы буенча Рөстәм Миңнеханов “Формула-1” классында Дөнья чемпионатының этабын - Бәһрәйн Гран-приен карый.

Татарстан Республикасы Корольлек инвестияцияләрен җәлеп итү һәм "хәләл тормыш рәвеше" өлкәсендә хезмәттәшлек итү яклы кызыклы. Аерым алганда, "партнерлык банкингы" буенча. Нефть химиясе өлкәсендә технологияләр белән алмашуны көйләү мөмкинлеге бар. Моннан тыш, Татарстан Бәһрәйнны республиканың машина төзелеше предприятиеләре продукциясе белән тәэмин итүдә кызыксына.

Татарстан Бәһрәйнга авыл хуҗалыгы һәм азык-төлек өлкәсендә хезмәттәшлек тәкъдим итәргә җыена. Фән, мәгариф, мәдәният, спорт һәм туризм өлкәсендә мөнәсәбәтләр төзү турында ниятләр бар.