Татарстан Президенты Берләшкән Гарәп Әмирлекләре эшкуарлары белән берничә очрашу уздырды
Бүген Татарстан Республикасы Президенты Рөстәм Миңнеханов VIII Eллык инвестицион форумы кысаларында БГӘ эшкуарлары белән түгәрәк өстәл форматында очрашу уздырды.
Рөстәм Миңнеханов сәламләү сүзеннән соң, республиканың инвестицион мөмкинлекләре, сәнәгате һәм икътисады турында ТР Инвестицион үсеш агентлыгы җитәкчесе Талия Миңнуллина презентация үткәрде. Иннополис махсус икътисадый зонасы турында генераль директоры Игорь Носов, «Halal Guide» проектын гамәлгә ашыру турында Айрат Касыймов хәбәр иттеләр.
Әңгәмәдә БГӘ икътисадының төрле тармакларыннан эре компания вәкилләре катнашты: Alnowais Investments сәнәгать һәм энергетика конгломераты, «Archirodon» төзелеш компаниясе, «NPS» нефть-газ җиһазларын җитештерүче компания, «Royal International Group» компанияләр төркеме, «Al Fahim Group», «Sharaf Group», «Foundation Holdings» һәм башкалар.
Шулай ук Татарстан Республикасының форумдагы стендында Дубай әмире гаиләсе әгъзасы Шәех Әхмәт бән Далмук Җума Әл Мәктүм белән очрашу узды. Шәех Әхмәт бән Далмук Җума Әл Мәктүм хәбәр иткәнчә, ул БГӘендә альтернатив энергия һәм авыл хуҗалыгы мәсьәләләре өчен җаваплы. Ул төрле илләр тәҗрибәләре белән кызыксына һәм әлеге юнәлештә хезмәттәшлек итәргә әзер.
Форумда шлуай ук InterHealth Согуд Гарәбстаны компаниясенед башкарма директоры Әмад Әбелазиз Зл Дукайр белән очрашу узды. Әлеге компания фәнни-медицина белем бирү үзәкләре, югары квалификацияле медик белгечләр әзерләү өлкәсендә хезмәттәшлек итәргә тели. Әлеге очрашуда шулай ук ТР сәламәтлек саклау министры Марат Садыков һәм Каза дәүләт медицина универститетының ректоры Алексей Созинов катнаштылар. Аларга Татарстан Президенты әлеге инвестпроектны Казанда гамәлгә ашыру мөмкинлекләрен өйрәнергә йөкләде.
Ахырда Рөстәм Миңнеханов түгәрәк өстәлдә катнашучыларны Россиягә чакырда, аерым Татарстан Республикасы мөмкинлекләре белән танышырга тәкъдим итте.