Ислам дәүләтләренең Россиядәге илчеләре Татарстан белән мөнәсәбәтләрне киңәйтергә әзер булу хакында белдерделәр

Татарстан белән социаль-икътисадый мөнәсәбәтләрне киңәйтергә әзер булулалры турында ислам дәүләтләренең Гадәттән тыш һәм Тулы вәкаләтле илчеләре Татарстан Республикасы Президенты Рөстәм Миңнеханов белән очрашуда белдерделәр. 

Очрашу Казан Кремлендә үтте. 

Рөстәм Миңнеханов ислам дәүләтләре илчеләренә "Россия – Ислам дөньясы: KazanSummit 2018" X халыкара икътисадый саммитында катнашуларчы өчен рәхмәт белдерде. Татарстан Президенты форумның икътисадый, геосәясәт һәм мәдәни өлкәләрдә әһәмиятен ассызыклады. 

"Сезнеэ биредә самитта катнашуыгыз бердәмлек билгесе, монда яшәүче 20-25 млн. мөселманнар белән бердәмлек билгесе ул. Һәм дөньядагы бер миллиард 700 млн. мөселманның тынычлык, игелек һәм ярдәмчел дингә ышануларын раслый", - диде Татарстан Президенты. 

Рөстәм Миңнеханов ассызыклаганча, KazanSummit инде дүрт ел Ислам хезмәттәшлеге оешмасы илләрендәге бизнес даирәләрнең яшь вәкилләре җыела торган иң эре мәйданчыкларның берсе. Биредә алар проектларны гамәлгә ашыру турында килешә, дәүләтләр арасындагы мөнәсәбәтләр ныгуга тәэсир итәләр. 

Рөстәм Миңнеханов Татарстанның илсам илләре базарларына үз продукциясен китерергә әзер булуын билгеләде. 

"Татарстан Россия белән Ислам хезмәттәшлеге оешмасы илләре арасындагы мөнәсәбәтләргә зур өлеш кертә ала. Илсам дәүләтләре юизнесына Россия белән эш алып баруны уңайлы итәргә кирәк", - дип ассызыклады Рөстәм Миңнеханов. 

РФдәге Алжир илчесе Смаил Аллауа ун елда Казан саммитының 300 катнашучыдан 3 мең катнашучыга кадәр үсүен ассызыклады. "Ник кешеләр KazanSummit ка килә? Беренче чиратта, яңа идеяләр табу өчен. Яңа партнерлар белән очрашу өчен. Һәм шулай ук кунакчыллыкны тоеп, өйгә чәк-чәк алып катыр өчен", - диде ул. 

"Ышанам, елдан-ел  Казан шәһәренең халыкара аренада абруе артачак кына", - диде илче.