Таҗикстан Премьер-министры һәм Татарстан Президенты эшлекле форумны ачтылар
Бүген Дүшәнбедә "Таҗикстан - Татарстан" эшлекле форумы узды, анда ике республика сәүдә-икътисадый мөмкинекләре тәкъдим ителде һәм уртак проектлар турында сүз барды. Форумда сәламләү сүзе белән Таҗикстан Республикасы Премьер-министры Кохир Расулзода һәм Татарстан Республикасы Президенты Рөстәм Миңнеханов чыгыш ясадылар.
Рөстәм Миңнеханов Россия Президенты Владимир Путин һәм Таҗикстан Президенты Эмомали Рахмонга төбәкара хезмәттәшлекне үстерүгә игътибарлары өчен рәхмәт белдерде: "Без Россия-Таҗикстан мөнәсәбәтләре кысаларында Таҗикстан белән багланышларга зур игътибар бирәбез һәм үзара файдалы элемтәләрне үстерергә шат. Үз ягыбыздан әлеге үсешкә ярдәм итәргә әзербез", - диде ул.
"Без Таҗикстан базарында Татарстанның алдынгы компанияләренең булуын телибез: Татнефть, ТАИФ, КАМАЗ, КМПО, Позис, Татхимфармпрепаратлар һәм башкалар. Кооперация өчен мөмкинлекләр күп. Бүгенге эшлекле форум безнең компанияләрнең хезмәттәшлекне киңәйтергә әзер булуын күрсәтер дип өметләнәбез".
Ахырда Татарстан Президенты Таҗикстан җитәкчелегенә һәм бизнес вәкилләрен Казанга 24-26 апрель көннәрендә узачак «Россия — Ислам дөньясы: KazanSummit 2019» халыкара икътисадый саммитына чакырды.
Форумда Таҗикстан Республикасы һәм Татарстан Республикасы Сәүдә-сәнәгать палаталары арасында килешү имзаланды.