Рөстәм Миңнеханов Үзбәкстан Республикасы татарлары белән очрашты

2021 елның 17 июне, пәнҗешәмбе

Татарстан Президенты Рөстәм Миңнеханов Үзбәкстан татар иҗтимагый оешмалары вәкилләре белән очрашты.

Үзбәкстан Республикасында 32 млн кеше яши, шуларның 1%ы татар милләтеннән, 300 меңнән артыгы Ташкент һәм Ташкент өлкәсенә туры килә – 150 мең, Бохара һәм Бохара өлкәсендә 7,5 мең ватандашыбыз яши.

Үзбәкстанда чит илләрдәге иң эре татар диаспораларының берсе. Узган гасырның 90 нчы елларында ил башкаласында Татар иҗтимагый мәдәни-агарту үзәге оештырыла.

Татарстан Президенты Үзбәкстанга визиты кысаларында ватандашлар белән даими рәвештә очрашулар уздыра. Татар иҗтимагый берләшмәләре вәкилләре белән Рөстәм Миңнеханов 2017, 2018 һәм 2019 елларда да очрашкан иде.