Алексей Песошин «Татарстан өчен 50 иң яхшы инновацион идея» конкурсы җиңүчеләрен бүләкләде
Бүген «Корстон-Казан» кунакханә-сәүдә-күңел ачу комплексында «Татарстан Республикасы өчен илле иң яхшы инновацион идея» XVIII республика конкурсы җиңүчеләрен бүләкләү тантанасы булды. Сайлап алуда катнашкан 150дән артык кеше 25тән 220 мең сумга кадәр премия алган. Чарада Татарстан Республикасы Премьер-министры Алексей Песошин катнашты.
«Татарстан Республикасы өчен илле иң яхшы инновацион идея» конкурсы 2005 елдан бирле үткәрелә, оештыручылар - Татарстан Республикасы Инвестиция-венчур фонды, Татарстан Республикасы Фәннәр академиясе һәм Татарстан Республикасы Мәгариф һәм фән министрлыгы. Ул гамәлдә булган чорда Россия галимнәре һәм инноваторлары 27 мең 442 заявка биргән. Шуларның 2597се җиңүче булды.
Алексей Песошин билгеләп үткәнчә, конкурс галимнәр һәм уйлап табучылар, студентлар һәм мәктәп укучыларының инновацион эшчәнлеген стимуллаштырырга тиеш. "Технологик суверенитетны тәэмин итү мәсьәләсе беренче планга чыкканда, күп тармаклар буенча үз идеяләрен тормышка ашыру, бизнесны үстерү потенциалы бик зур",-диде Татарстан Республикасы Премьер-министры.
Ул билгеләп үткәнчә, хәзерге вакытта инновацион инфраструктура, университетлар, академик институтлар, иҗтимагый оешмалар һәм әлеге процесс барышында төзелгән кече предприятиеләрнең икътисадның реаль секторы белән хезмәттәшлеген көчәйтү бик мөһим.
«Бу эштә алдынгы инженер мәктәпләре дә, республика югары уку йортлары базасындагы стартап-технологик эшкуарлык студиясе дә ярдәм итәчәк. Татарстанда төрле юнәлешләр буенча инвестицион һәм инновацион активлык өчен барлык шартлар да бар», - дип ассызыклады республика Хөкүмәте башлыгы.
Аннары Алексей Песошин «Перспектива» номинациясендә җиңүчеләрне бүләкләде.
2022 елда «Татарстан Республикасы өчен илле иң яхшы инновацион идея» XVIII конкурсында стартаплар һәм инноваторлар 1965 гариза биргән. Экспертлар советы тарафыннан Татарстан Республикасының фәнни-техник, икътисадый, социаль һәм гуманитар үсеше мәсьәләләрен хәл итүгә юнәлдерелгән проектлар каралды.
«18 ел эшләү дәверендә без юл башында 2,6 меңгә якын компанияне финансладык һәм хупладык. Стартапларга аларны үстерүдә, акча җәлеп итүдә, Россия базарына чыгаруда ярдәм итү - безнең өстенлекле бурычлар», - диде Татарстан Республикасы Инвестиция-венчур фонды директоры Айнур Айделдинов.
Инновацион стартаплар һәм студентлар проектлары 9 номинация буенча акчалата бүләкләр алдылар: «Перспектива»,« Мәгарифтә инновацияләр», «Инновацияләр старты,» Наноимпульс», «Цифрлы икътисад«,» «Ел патенты», «Яшьләр инновация проекты», «Илкүләм технологик инициатива проектлары һәм «Социаль әһәмиятле инновацияләр».